Графикаи векторӣ ва растрӣ

Ҳамарӯза мо бисёр маводҳои графикиро мебинем. Дизайнерони ботаҷриба фарқи байни асбобҳои гуногуни тасвирро медонанд. Аммо агар шумо навомӯз бошед, мехоҳем ба шумо ду намуди графика ва фарқиятҳои асосии байни онҳоро хотиррасон кунем. Вақте ки компютер тасвирҳои графикиро сабт мекунад, тарзи сохташавии ҳар яки онҳо хеле муҳим аст. Ҳамин тариқ, дизайнерони графикии векторӣ барои сохтани ашё объектҳои оддиро истифода мебаранд. Он ба дизайнерон афзалиятҳои мухталиф медиҳад.

Пеш аз ҳама, ҳар чизе, ки шумо эҷод мекунед, хоҳ баннер ё билборд, таблиғи футболка ё нақшҳои зардеворҳо(обои), истифода баред муҳаррири векторро барои васеъ кардани тасвирҳоятон. Ба мо бовар кунед, он ҳеҷ гоҳ сифатро гум намекунад, зеро бо вуҷуди андозаи ниҳоии тасвир баланд аст.

Тасвири шумо метавонад хеле ҷузъиёти хеле зиёд дошта, аммо он барои истифода дар ҳама ҷо омода аст, зеро графикаи векторӣ функсияҳои формуларо барои нигоҳ доштани маълумот дар бораи объектҳо истифода мебарад. Ба ибораи дигар, шаклҳои оддие, ки шумо дар редактори векторӣ мебинед, муодилаҳои математикии ба нуқтаҳо, каҷҳо ё хатҳо табдилёфта мебошанд. Ин фарқи куллии байни графикаи векторӣ ва растрӣ мебошад, зеро ки растр аз шумораи муайяни пикселҳо иборат аст. Аз ин сабаб ҳангоми тағйир додани тасвирҳои растрӣ сифат онҳо паст мегардад. Бояд дар хотир нигоҳ дошт ки компютер маълумотро дар бораи ҳар як пиксели алоҳида нигоҳ медорад, агар ба шумо тасвири растрӣ лозим бошад, шумо бояд тасвири андозаи хеле калонро эҷод кунед, зеро сифати он ба шумораи зиёди пикселҳо вобаста аст, нисбат ба вектор, ки тағйир додани андозаи аввала ба файли ниҳоӣ таъсир намерасонад.

Афзалияти дигар мутобиқшавӣ (adaptivity) мебошад. Тасвирҳои векторӣ ба осонӣ тағйир дода мешаванд, аз ин рӯ на танҳо ранг ё шаклро тағйир дода метавонед, балки ки онро дар формати дилхоҳ сабт карда метавонед.
Тасвири векториро метавонед пеш аз чоп омода кардан ислоҳ кунед. Шумо метавонед ягон чизро ба осонӣ тағйир диҳед ё ҳатто нест кунед, унсурҳои худро илова кунед ва онро бо дигар тасвирҳо пайваст кунед. Ба ибораи дигар, ин ҳанӯз ҳам файли аслист, ки дар он ҷо унсурҳо дар сатҳҳои алоҳида мавҷуданд, ки имкон медиҳад объектҳоро идора ва ислоҳ кунем.

Инчунин шумо метавонед тасвири векториро ба растр табдил диҳед, аммо тасвири растриро ба векторӣ табдил додан ғайриимкон аст. Графикаи растрӣ барои аксҳои рақамӣ беҳтарин аст, зеро ҷилои рангро беҳтар нигоҳ медорад. Аммо дар дигар мавридҳо тавсия медиҳем, ки графикаи векториро санҷед, зеро он қулай, мутобиқшаванда, ба осонӣ миқёсшаванда аст ва ба формати зарурӣ табдил дода мешавад.

Барои графикаи растрӣ барномаҳои Gimp, Affinity Photo, Adobe Photoshop, Paint.NET ва барои графикаи векторӣ бошад барномаҳои Inkscape, Affinity Designer, Corel Draw, Adobe Illustrator метавонед истифода баред.

https://macrovector.com/blog/vector-graphics-for-beginners-and-curious-2